德國寶｜迷你韓式光波燒烤爐 KQB-29E｜使用心得分享

生活百貨分享 : 第 14 回

今次主角:  德國寶｜迷你韓式光波燒烤爐 KQB-29E

產品連結：請按此

因為純粹係自己使用後分享文，所以係單純既自我意見，希望可以幫到大家更可以係使用者方面去了解產品，適合自己與否。 

多得繼上次德國寶既迷你浴室寶（新式暖爐仔）既體驗，我身邊人竟然對德國寶產品起左好大既好奇心。

今次主角，迷你韓式光波燒烤爐，唔駛出街，又可以係屋企享受韓式燒烤，所以成就左今次機會。. 

呢次主角尺寸細部，易於收納，A4 大小小， 但係咪睇佢咁細部，一次都可以燒到 5 6 塊牛肉。

有樣抵讚，燒肉個時真係油煙極小，燒完成身唔會話太大陣味，當然係密室又無風既空間，都會有少少味，但完全可以接受。 

LED 控制，易明易控制， 加熱都好快。如果開埋上下光波加熱，牛肉唔駛 3 ~ 4 分鍾就可以擺得入口。或者係上下方都加熱，食物受熱都好均勻。燒肉類食物，係完全唔駛用油，方便又健康。

呢部機，放係廳就可以做到韓國燒烤，都咪話唔嘆！分量同燒烤速度，都可以勉強夠應付 3 ~ 4人家庭。 

清潔方面係超抵讚 ! 德國寶應該用左高質 Coating，所以燒完肉，鐵盤上面既肉渣，其實用 3M 纖維布，加少少水，稍為用力，就去到肉渣。

當然要同屋企人講，唔駛用鋼絲刷清潔，如果唔係，隨時刷走塗層。

油方面，一定要試用光紋導油盤，因為燒肉類出油，會直接流落底層收油隔。唔需要燒燒下，去手動清油，省卻麻煩。

整體黎講，推薦 3 ~ 4 人家庭使用。 

要點：

海鮮類要留意，我本人使用時，只開下方發熱，因為上下方都開，好快熟不突止，仲會搞到貝類縮水，鮮味會＂走＂失。

 燒肉用光紋導油盤，海鮮用平底燒盤。 

唔好俾另一半濫用，因為一經愛上，又唔駛煮，又唔洗點清潔，我本人因呢次主角，食左成個星期韓燒。

希望今次分享文幫到大家啦！