摩摩噠 腰臀一體按摩坐墊 SX352｜使用心得分享
生活百貨分享 : 第 17 回
今次主角：摩摩噠 腰臀一體按摩坐墊 SX352
產品連結：請按此
因為純粹係自己使用後分享文，所以係單純既自我意見.
希望可以幫到大家更可以係使用者方面去了解產品，適合自己與否。
今次使用者為本人及身邊人，是次主角，我使用左 7 日，身邊人就用左 10 日
大部份城市人坐姿都不正確，尤其係工作於辦公室，無坐足 8 個鍾，都閒閒地坐 6 個鍾，往往不良坐姿就令到背及下腰痛，積成舊患。
天氣轉濕時，就會翻發酸痛，肌肉緊晒，行步路都陣陣痛，亦都無理由隔三五七日就走去按摩。
所以今次試下呢部主角。 我既心得，今次無身邊人咁多感觸，所以以下係來自身邊人意見較多。
例牌外觀都合格，灰色男女都合用，但身邊人會覺得有近排興既‘藕粉色’ 就會 perfect！
熱敷效果貼心，因為身邊人月事或較攰時，都會引起陣陣腰痛。 按摩時如果加埋熱敷，可以有效驅走不適感。
氣囊設計有心，因為大部分腰痛及不適都源自坐姿不正確，氣囊墊可以提醒自己坐翻正確位置，另外氣囊按摩時，從而合適唔同尺寸既臀部。細蘿同巨Pat。都會緊貼臀部。以致可以有效按摩肌肉。另外，氣囊有五個之多。墊部有三個，左右翼各一個，完全足料，仲有三程度既氣囊選項添。
矯正坐姿，基於第三點既左右翼會令你坐於正確正中既位置外，呢次主角仲係人體工學矯正，角度調整至 105 度，長期坐都可以令背部唔會覺得攰。身邊人話好 work，而我就覺得係個人不期然坐直，大概從而減少左攰既症狀。
收納尚可，但辦公室椅子都可以用到，不過要夠深先可以擺得平穩。
隨處可放，其實剩係擺係地下用都無問題，仍然按摩舒服及矯正坐姿．
總結，身邊人就開始私有化，所以女性可能會鐘意多啲！
希望是次分享幫到大家啦！