Momax q.led Mirror 化妝鏡連無線充電及藍牙音箱｜使用心得分享

生活百貨分享 : 第 11 回

今次主角：Momax q.led Mirror 化妝鏡連無線充電及藍牙音箱

產品連結：請按此

因為純粹係自己使用後分享文，所以係單純既自我意見，希望可以幫到大家更可以係使用者方面去了解產品，適合自己與否

今次使用者為本人的身邊人同阿嫂。

呢款產品集多功能之大成，可以大膽講句係化妝及生活界上既攞你命 3000！

以下佢地既使用心得

首先呢款產品有：

前鏡燈，可以令化妝上瑕疵一覽無遺，容易因應皮膚狀況使用化妝技巧，配合可調校燈的亮度，更貼合日常燈光下化妝所呈現既 Color Tone 避免容易發生面頸化妝兩節色嘅狀況。不需下下開大房燈，都可以清晰咁化個靚妝，仲唔駛開燈‘殘’到訓緊覺既屋企人添！

磁吸式分離細鏡，有具五倍放大能力，尤用於化眼妝，眼影，睫毛液等等的神器。另外，磁吸式可以拎起化唇妝，超貼心！

可以用於觀察皮膚細緻狀況，擠黑頭，粉刺，及修鼻毛都用到。細鏡貼合大鏡，擺左擺右都得，磁吸得黎，唔會咁易遺失。

鏡上下具轉 180 角度，可以自行調節適合角度，可以隨時隨地變梳妝台。

具無線充電（Quick Charge 3.0）講真，因為呢個功能，塊鏡就變得唔阻定，隨時幫手差電，仲要用快差 3.0。

Blue Tooth Speaker 呢樣係估唔到咁實用，一路化妝一路聽歌，聽 YouTube，電台，新聞等等。完全可以岩曬喜愛多工處理既香港人，咪唔記得，仲幫緊手機差緊電。

桌燈 / 小夜燈，呢點係重中之重。KO 家人或另一半阻掟之原因。因為隨時變成桌燈及小夜燈，可以惠澤家人需要，更唔係單單自私用既梳妝燈，仲有個特別既 自動一小時熄燈既功能。

無縫觸控式 Panel，超加分。因為無縫，所以化化下妝，需要調較其化功能（如燈光大小等等）濕粉，Foundation，Lotion 等等。都超易清潔，某程度上比真實按鈕鍵更實用。

That’s Ｗhy 我身邊人及阿嫂力讚呢款產品！ 

意見：

原廠跟既電源線，有啲短（USB A TO USB C）更換長嘅線，要留意購買番 Quick Charge 既線，咁就可以繼續用快差功能。

分離磁吸鏡，可以因應需要放左放右，但留意放唔到中間。

若放鏡位置係角位，音響功能竟然係有所提升，勁正！

四百幾蚊咁多功能，堅抵！ 

希望是次分享幫到大家啦～